<< نووچەیێن

مالپه‌رێ زانكۆيا زاخۆ پێشكه‌ڤتنه‌ك هه‌ره‌باش لدويڤ ئامارا كۆمپانيا (ئه‌ليكسا) بخۆڤه‌ دبينت

31 December 2018

دويڤ ئامار و پيڤه‌رێن جيهانى دياردبيت، كو زانكۆيا زاخۆ د پرۆسێسا پێشكه‌ڤتنه‌ك به‌رده‌وام دايه‌، هه‌روه‌سا ئامارا تايبه‌ت يا زانكۆيا زاخۆ وه‌ها خويا دكه‌ت كو ستافێ مالپه‌رێ فه‌رميێ زانكۆيا زاخۆ كاره‌ك هه‌ره‌باش و پێدڤى بۆ پێشخستنا مالپه‌رى دكه‌ت، ئه‌ڤ يه‌كه‌ ژى ب مه‌ره‌ما خزمه‌تكرنا ستافێ ئه‌كاديميێ زانكۆيێ و قۆتابيان و پێشخستنا جڤاكێ كوردستانێيه‌.
گرنگه‌ بێژين، كو ئه‌و خزمه‌تگوزاريێن ژ ئاليێ زانكۆيا زاخۆ ل سالێن (2017 ـ 2018) ب تايبه‌ت بۆ ستافێ ئه‌كاديمى و قۆتابييان هاتينه‌ پێشكێشكرن ب به‌رده‌وامى دهێنه‌ پێشخستن و كاره‌ك ژ دلكارانه‌ لسه‌ر دهێته‌ ئه‌نجامدان، ئه‌ڤ يه‌كه‌ ژى بۆ كارێ باش و پێزانينێن دورست يێن كو دبنه‌ ئه‌گه‌رێ پێشخستنا مالپه‌رێ فه‌رميێ زانكۆيێ ڤه‌دگه‌رن.