<< نووچەیێن

زانكۆیا زاخۆ و زانكۆیا ئه‌مریكى باسێ سیسته‌مێ خواندنێ كرن

07 February 2019

ل ڕۆژا پێنجشه‌مبێ ڕێكه‌ڤتى (7/2/2019) ب سه‌رپه‌رشتیا به‌رێز پرۆفیسۆرێ هاریكار دكتۆر (یاسین تاها مسته‌فا) هاریكارێ سه‌رۆكێ زانكۆیا زاخۆ بۆ كاروبارێن زانستى و خواندنا بلند و به‌رێز دكتۆر (كاروان فه‌همى سامى) ڕێڤه‌به‌رێ سه‌نته‌رێ ته‌كنۆلۆژیا زانیارى و ئامارێ و دكتۆر (ئیسمائیل عه‌لى عه‌لى) ڕێڤه‌رێ خواندنا بلند و مامۆستا (ئیسلام سالح) ڕێڤه‌به‌رێ دڵنیا جۆرى سه‌ره‌دانه‌ك فه‌رمى بۆ زانكۆیا ئه‌مریكى ل باژێرێ دهۆكێ ئه‌نجامدان.
د سه‌ره‌دانا خۆ دا ب ئاوایه‌كێ فه‌رمى ژ لایێ كار ب ده‌ست و ڕایه‌دارێن زانكۆیا ناڤهاتى ڤه‌ ب گه‌رمى هاتنه‌ پێشه‌وازیكرن، پاشان كۆمبوونه‌ك لدور چه‌ندین مژارێن گرنگ یێن خواندنێ سازكرن و باسێ چه‌ندین بابه‌تێن په‌یوه‌ندیدار ب پرۆسێسا خواندنێ و پێشكه‌ڤتنا زانكۆیانڤه‌ هه‌یى كرن.
ئارمانجا سه‌ره‌كى یا سه‌ره‌دانا شاندێ زانكۆیا زاخۆ ژ نێزیك هایداربوون ژ پرۆسێسا و سیسته‌مێ خواندنێ یێ ل ئه‌وێ زانكۆیێ دهێته‌ بكارهینان بوو، هه‌روه‌سا مفا وه‌رگرتن ژ ئه‌زموونا زانكۆیا ناڤهاتى د بوارێ زانست و زانینێدا ئێك ژ ئارمانجێن دیتر سه‌ره‌دانێ شاندێ زانكۆیێ بوو. هه‌ژییه‌ بێژین، كو زانكۆیا زاخۆ ب مه‌ره‌ما پێشخستنا سیسته‌مێ خواندنێ و چاوانییا پێشڤه‌برنا پرۆسێسا ئه‌كادیمى گه‌شت هه‌مى هه‌ول و بزاڤان ئه‌نجام دده‌ت.