<< نووچەیێن

زانكۆیا زاخۆ پشته‌ڤانیا خۆ بۆ زانكۆیا پولیته‌كنیك دیاركر

06 February 2019

ل ڕۆژا چوارشه‌مبێ ڕێكه‌ڤتى (6/2/2019) به‌رێز پرۆفیسۆرێ هاریكار دكتۆر(له‌زگین عه‌بدى جه‌میل) سه‌رۆكێ زانكۆیا زاخۆ ب گه‌رمى پێشه‌وازیا شانده‌كێ بلندێ یێ زانكۆیا پولیته‌كنیك یا دهۆكێ كر.
ئارمانجا سه‌ره‌كى یا سه‌ره‌دانا شاندێ زانكۆیا ناڤهاتى مفا وه‌رگرتن ژ ئه‌زموونا زانكۆیا زاخۆ د بوارێ پراكتیزه‌كرنا (بۆلۆنیا پرۆسێس) ل زانكۆيێ بوو، ژبه‌ركو ئه‌ڤ سیسته‌مێ خواندنێ بۆ ماوه‌یێ دوو سالانه‌ ل زانكۆیا زاخۆ ب ئاوایه‌كێ سه‌ركه‌ڤتییانه‌ دهێته‌ جێبجێكرن.
پاشان ل هۆلا كۆمبوونا ل سه‌رۆكایه‌تییا زانكۆیێ كۆمبوونه‌ك فه‌رمى ژلایێ به‌رێز پرۆفیسۆرێ هاریكار دكتۆر (یاسین تاها مسته‌فا) هاریكارێ سه‌رۆكێ زانكۆیێ بۆ كاروبارێن زانستى و خواندنا بلند و به‌رێز دكتۆر (كاروان فه‌همى سامى) ڕێڤه‌به‌رێ سه‌نته‌رێ ته‌كنۆلۆژیا زانیارى و ئامارێ دگه‌ل شاندێ زانكۆیا پولیته‌كنیك هاته‌ سازكرن. د كۆمبوونێدا ب ئاوایه‌كێ ئاكادیمیانه‌ باس ل پرۆسێسا بۆلۆنیا و چاوانییا جێبجێكرنێ ب ئاوایه‌كێ سه‌ركه‌ڤتیانه‌ هاته‌كرن، هه‌روه‌سا شاندێ مێهڤان چه‌ندین پرسیار لدور قوناغێن جێبجێكرنا پرۆسێسێ كرن و به‌رسێڤن وان ب ئاوایه‌كێ ئه‌كادیمیانه‌ ژلایێ ستافێ زانكۆیا زاخۆ ڤه‌ هاتنه‌دان. دهێته‌ پێشبینیكرن، كو زانكۆیا پولیته‌كنیك (پرۆسێسا بۆلۆنیا) ل چه‌ندین كۆلیژ و فه‌كۆلتیێن خۆ پراكتیك بكه‌ت، ده‌رباره‌ى ئه‌ڤێ چه‌ندێ زانكۆیا زاخۆ پشته‌ڤانى و هاریكاریا خۆ بۆ وان دا دیاركرن.