<< نووچەیێن

ڕاگرێ فه‌كۆلتیا زانستێن مرۆڤایه‌تى دگه‌ل مامۆستا و قوتابیێن پشكا خواندنێن ئیسلامى كۆمبوونه‌ك سازكر

11 February 2019

ل رۆژا دووشه‌مبێ ڕێكه‌ڤتى (11/2/2019) ڕێزدار دكتۆر (دیار عه‌بدولكه‌ریم سه‌عید) ڕاگرێ فه‌كۆلتیا زانستێن مرۆڤایه‌تى كۆمبوونه‌ك فه‌رمى دگه‌ل مامۆستا و قوتابیێن پشكا خواندنێن ئیسلامى ل هۆلا (خه‌لیل خه‌یالى) سازكر.
كۆمبوونا ناڤهاتى لدوور بابه‌تێ گوهۆرینا ناڤێ پشكێ ژ خواندنێن ئیسلامى بۆ (په‌روه‌رده‌یا ئاینى) بوو، د كۆمبوونێدا جه‌نابێ ڕاگرى ب ئاوایه‌كێ تێر و ته‌سه‌ل باسێ بریارا وه‌زاره‌تێ و گوهۆرینا ناڤێ پشكێ بۆ قوتابییان كر و هه‌مى ئالیێن بابه‌تى شرۆڤه‌كرن. هه‌روه‌سا ده‌رفه‌ت ب قوتابییان هاته‌دان كو دید و بۆچوونێن خۆ لدور مژارێ ده‌رببرن و یاداشتنامه‌یا خۆ پێشكێش بكه‌ن. لدووماهیێ ڕاگرێ فه‌كۆلتیێ سۆز ب قوتابییاندا كو ده‌نگێ وان بگه‌هینت جڤاتا زانكۆیێ و كارێ پێدڤى بۆ وان ئه‌نجام بده‌ت.