<< نووچەیێن

د هه‌فتیا داهاتیدا دێ بریار لسه‌ر شێوازێ وه‌رگرتنا قوتابییان بۆ سالا نوى یا خواندنێ هێته‌دان

05 February 2019

ڕێڤه‌به‌ریا ڕاگه‌هاندنا وه‌زاره‌تێ:
د كۆمبوونه‌كێدا ب سه‌رپه‌رشتییا وه‌زیرێ خواندنا بلند و ڤه‌كۆلینێن زانستى بابه‌تێ شێواز و پلانێن وه‌رگرتنا قوتابییان ل زانكۆ و په‌یمانگه‌هان بۆ سالا نوى یا خواندنێ هاتنه‌ باسكرن.
ل ڕۆژا سێشه‌مبێ ڕێكه‌ڤتى (5/2/2018) ب سه‌رپه‌رشتیا ڕێزدار دكتۆر (یوسف گۆران) وه‌زیرێ خواندنا بلند و ڤه‌كۆلینێن زانستى و ب به‌رهه‌ڤبوونا ڕاوێژكار و ڕێڤه‌به‌رێن گشتى یێن وه‌زاره‌تێ باس ل پلان و به‌رنامه‌یێن تایبه‌ت یێن وه‌زاره‌تێ لدور وه‌رگرتنا قوتابییان بۆ سالا خواندنێ (2018ـ2019) هاتنه‌كرن. هه‌روه‌سا چه‌ندین بابه‌تێن دیتر یێن گرنگ و په‌یوه‌ندى ب مژارا وه‌رگرتنا قوتابییانڤه‌ هه‌یى هاتنه‌ ئازراندن و به‌رنامه‌یێ پێدڤى بۆ هاته‌دانان.
هه‌روه‌سا د به‌شه‌كێ دیتر یێ كۆمبوونێدا بریار هاته‌دان، كو د هه‌فتییا داهاتیدا د كۆمبوونا لیژنه‌یا بلند یا وه‌رگرتنا قوتابییاندا شێواز و بابه‌تێن تایبه‌ت ب پلانا وه‌رگرتنێ بۆ سالا نوى یا خواندنێ (2018ـ2019) بهێنه‌ باسكرن و بریارێن پێدڤى ده‌رباره‌ى بابه‌تى بده‌ن.
بۆ زانینا زانیایێن زێده‌تر، سه‌ره‌دانا مالپه‌رێ فه‌رمیێ وه‌زاره‌تا خواندنا بلند و ڤه‌كۆلینێن زانستى بكه‌ن.