په‌یاما سه‌رۆكێ زانكۆیا زاخۆ

سه‌رۆكایه‌تییا زانكۆیا زاخۆ

سه‌رۆكێ زانكۆیا زاخۆ پرۆفیسۆرێ هاریكار دكتۆر "له‌زگین عه‌بدى جه‌میل" هه‌مى شیانێن خۆ دمه‌زێخت پێخه‌مه‌ت به‌رهه‌مهینان و دروستكرنا زانكۆیه‌كا پرۆفیشنال و پێشكه‌ڤتى ژبۆ باژێرێ زاخۆ، داكو ئه‌ڤ زانكۆیه‌ بكارت پێدڤیێن پێشڤه‌چوون و گوهۆرینێ جڤاكى دابین بكه‌ت و جڤاك ژ سه‌رده‌مێ ته‌كنۆلۆژیا و جیهانگیریێ ڤه‌نه‌قه‌تیت. پرۆفیسۆرێ هاریكار دكتۆر "له‌زگین عه‌بدى جه‌میل"، وه‌كو سه‌رۆكێ زانكۆیێ بریارده‌رێ سه‌ره‌كى یێ زانكۆیێ یه‌ و سه‌رپه‌رشتیا ته‌ڤایا كاروبارێن زانكۆیێ دكه‌ت، وه‌ك "كاروبارێن ئه‌كادیمى و قۆتابیان، ده‌ستپێشخه‌ریێن نیڤ ده‌وله‌تى، بۆدجه‌ و دارایى، خزمه‌تگۆزاریێن فه‌رمانبه‌ران، جڤاتا زانكۆیێ، په‌یوه‌ندیێن دگه‌ل دام و ده‌زگه‌هێن حكۆمى، دانانا پلان و ئارمانجێن داهاتى یێن زانكۆیێ و ... هتد". سه‌رۆكێ زانكۆیێ ب رۆلێ بالیۆزێ ناڤخۆیى و نیڤ ده‌وله‌تیێ زانكۆیا زاخۆ ڕادبیت و د به‌رژه‌وه‌ندیا جڤاتا زانكۆیێدا كاردكه‌ت و ده‌ستهه‌لاتا خۆ ژ جڤاتا زانكۆیێ وه‌ردگریت.

دامه‌زراندنا زانكۆیا زاخۆ ئاسویه‌ك نوى و ستراتیژییه‌ك درێژخایه‌ن و یا گونجایى لگه‌ل پروسێسا چاكسازییا خواندنا بلند ئه‌وا ژلایێ وه‌زاره‌تا خواندنا بلند و ڤه‌كولینێن زانستى یا سه‌ر ب حكومه‌تا هه‌رێما كوردستانێڤه‌ هاتییه‌ ئه‌نجامدان. ئه‌ركێ مه‌ بۆ جێبه‌جێكرنا خواندنا جۆرى و ڤه‌كۆلینێن زانستیێن پێشكه‌ڤتى كو دبیته‌ ئه‌گه‌رێ پێشكه‌ڤتنا ئارمانجێن فێركرنێ و پرۆگرامێن مه‌شق و ڕاهێنان و پاراستنا مافێن قۆتابیان, هه‌روه‌سا پێشكه‌ڤتنا پێگه‌ها كادرێن ئه‌كادیمیێن فێركرنێ و بلندكرنا ئاستێ پرۆسێسا فێركرنێ ب جێبه‌جێكرنا به‌رنامێ دلنیایى جۆرى و زانستخوازییا به‌رده‌وام. دامه‌زراندنا پرۆگرامێ نویێ سپلیت-ساید ( Split- side) یێ خواندنا دكتورایێ لگه‌ل سه‌نته‌رێن جۆراوجۆرێن نایاب ل زوربه‌ى وه‌لاتان؛ دبیته‌ ئه‌گه‌رێ پێشكه‌ڤتن و پێشڤه‌برنا ئاستێ خواندنا بلند، ب تایبه‌تى قوتابیێن ده‌رچوویى. هه‌روه‌سا ڤه‌كرنا ڕێكێن په‌یوه‌ندیان لگه‌ل زانكویێن پرۆفیشنال و پێشكه‌ڤتى و سه‌نته‌رێن ڤه‌كۆلینان كو دێ پشكداریێ د پرۆسێسا نیڤ ده‌وله‌تییا زانكۆیاندا كه‌ت و پێشكه‌ڤتنا كارمه‌ندێن ئه‌كادیمیێن فێركرنێ ل زانكۆیا زاخۆ، بڕێكا سه‌رپه‌رشتیكرنا پرۆژێن خواندنا بلند بیت، ب هه‌ڤكارییا پرۆژێن ڤه‌كولینێن هه‌ڤپشك و سه‌ره‌ڕاى وان سه‌ره‌دانێن كو بۆ ماوه‌یه‌كێ كورت یان درێژ ئه‌وێن دناڤبه‌را زانكۆیاندا دهێنه‌ ئه‌نجامدان. بناڤێ كارمه‌ندێن ئه‌كادیمیێن زانكۆیا زاخۆ، زۆر خۆشحالم داخوازێ ژ هه‌وه‌یێن به‌ڕێز بكه‌م كو سه‌ره‌دانا مالپه‌ڕێ زانكۆیا زاخۆ بكه‌ن و هیڤیدارم پێزانینێن پڕ مفا ژ ده‌نگوباس و گشت چالاكیێن زانكۆیى وه‌ربگرن. هه‌روه‌سا هیڤیدارین مالپه‌ڕێ زانكۆیا زاخۆ مینا ڕێكه‌كێ بیت بۆ قۆتابى و خوانده‌ڤانان ژبۆ وێ چه‌ندێ كو سه‌ره‌دانا زانكۆیا زاخۆ بكه‌ن. پێشنیار و بۆچوونێن هه‌وه‌ دێ بلند هێنه‌ نرخاندن و دهه‌مان ده‌مدا ب مفانه‌ ژ بۆ پێشكه‌ڤتنا زانكۆیێ و مالپه‌ڕێ وێ.

د. لزگین عبدى جمیل
سه‌رۆكێ زانكۆیا زاخۆ