قۆتابیێن خواندنا بلند زانكۆیا زاخۆ

باوه‌رنامه‌یا ماسته‌رێ

به‌رنامێ ماسته‌رێ به‌رنامه‌یه‌ك ئه‌كتیڤ و كاریگه‌ره‌، ژبه‌ركو پرۆسا فێركرنێ ل ئاسته‌كێ به‌رز پێشكێش دكه‌ت، ئه‌ڤ به‌رنامه‌یا ب سه‌رپه‌رشتیا ستافه‌ك ئه‌كادیمى و پسپۆر ڤه‌كۆلینان ل تاقیگه‌هێن پێشكه‌ڤتى و ل سه‌ر ئامیره‌یێن مۆدرێن ئه‌نجام دده‌ن. ئه‌ڤ یه‌كه‌ ژى هێز و شیانان ب زانكۆیێ دبه‌خشیت، داكو مامۆستایێن خودان ئاستێن زانستى یێن به‌رز ئاماده‌بكه‌ت و ئارمانجێن داهاتى یێن زانكۆیێ بجه بینن. ل سالا ئێكێ یا خواندنا ماسته‌رێ قۆتابى كورسێن پێشكه‌ڤتى یێن خواندنێ د پسپۆریا خۆ دا بۆ ماوێ دوو وه‌رزان وه‌ردگریت، پشتى ده‌رچوونێ ژ هه‌ردوو وه‌رزێن خواندنێ قۆتابى ده‌ست ب ئه‌نجامدانا پرۆژێ ڤه‌كۆلینا خۆ دكه‌ت، پشتى ب داوى هینانا ڤه‌كۆلینێ گه‌نگه‌شه‌ و بریارا په‌سه‌ندكرنا ڤه‌كۆلینێ ژلایێ لیژنا گه‌نگه‌شا ڤه‌كۆلینێ ڤه‌ دهێته‌دان.

باوه‌رنامه‌یا دكتۆرایێ

خواندنا دكتۆرایێ پشكه‌ك گرنگ و كاریگه‌ره‌ ژبۆ پێشه‌ڤه‌برن و گه‌شه‌كرنا زانین و زانستێ، دهێته‌ پۆختكرن ب ئه‌ڤان په‌یڤان: زانینا نوى و ڕاهێنانا ڕێكخستى و ئه‌كادیمى. ئارمانج ژ خواندنا دكتۆرایێ ئه‌وه‌ ڤه‌كۆله‌رێن خودان شیان به‌رهه‌م بهینت و مه‌رج نینه‌ ئه‌ڤ ڤه‌كۆله‌رێن ئه‌كادیمى ل سه‌ر میلاكێ وه‌زاره‌تا خواندنا بلند و ڤه‌كۆلینێن زانستى بن، به‌لكو دبیت د بوارێن دیتر یێن ژیانێدا كار بكه‌ن. مه‌به‌ست ژ خواندنا دكتۆرایێ ئه‌وه‌ قۆتابیان ب شێوازه‌كێ ئه‌كادیمى و ڕێكخستى په‌روه‌رده‌ بكه‌ن، خالا ژ هه‌مییان گرنگتر پێدڤییه‌ ڤه‌كۆله‌ر د بیاڤێ كاركرنێدا یێ سه‌ربه‌خۆ بیت و پشت به‌ستنێ ل سه‌ر شیانێن خۆ بكه‌ت، هه‌روه‌سا پێدڤییه‌ قۆتابیێ دكتۆرایێ شێوازێ دروستكرنا ڤه‌كۆلینان، شرۆڤه‌یێن ڕه‌خنه‌یى بزانت و د خواندنا خۆ دا یێ سه‌ربه‌خۆ بیت. خاله‌كا دیتر یا گرنگ پێدڤییه‌ ڕاهێنانێن ڤه‌كۆلینێ قۆتابییێ دكتۆرایێ هانبده‌ت فێربوونه‌كا ڕێكخستى فێرببت، بۆ نموونه‌ ب ئه‌ڤى شێوه‌یى.

ڕێنمایێن گشتى یێن داخوازكرنا خواندنا بلند

Gڕێنمایێن گشتى ژبۆ داخوازكرنا خواندنێ بۆ قۆتابیێن ماسته‌ر و دكتۆرایێ ل هه‌رێما كوردستانێ:


پرسیارێن ب ئاوایه‌كێ به‌رده‌وام دهێنه‌كرن

چاوا دكارم داخوازا خواندنا بلند ل زانكۆیا زاخۆ بكه‌م

ب ڕێكا ڕێنمایێن د ئه‌ڤى لاپه‌ریدا هاتینه‌ به‌لاڤكرن، دكارى داخوازا خواندنا بلند بكه‌یى : ڕێنمایێن گشتى یێن داخوازكرنا خواندنا بلند.

ڕێنمایێن مۆله‌تا خواندنا بلند ل زانكۆیا زاخۆ چنه‌ ؟

ب رَێكا ڕێنمایێن د ئه‌ڤى لاپه‌ریدا هاتینه‌ به‌لاڤكرن، دكارى زانیاریان سه‌باره‌ت موله‌تا خواندنا بلند وه‌ربگرى : ڕێنمایێن گشتى ژبۆ مۆله‌تا خواندنێ

بۆ زانیاریێن زێده‌تر ده‌رباره‌یى پرۆگرامێن به‌رى نها هاتینه‌ پێشكێشكرن، سه‌ره‌دانا ئه‌ڤان مالپه‌ران بكه‌ :