خزمه‌تگۆزاریێن قۆتابیان

ئاڤاهی و خزمه‌تگۆزاریێن قۆتابیان

ل زانكۆیا زاخۆ ئاڤاهیێن تایبه‌ت ژبۆ قۆتابیان هاتینه‌ ته‌رخانكرن، وه‌ك په‌رتووكخانه‌، پشكێن ناڤخوه‌یى و كافیتیریا. هه‌روه‌سا ئاماده‌كرنا هاریكاریێن دارایى و رێكخستنا چالاكیێن زانستى و وه‌رزشى ب مه‌به‌ستا به‌رزكرنا ئاستێ زانستى و ڕه‌وشه‌نبیرى یێ قۆتابى.

په‌رتووكخانه‌

په‌رتووكخانا زانكۆیا زاخۆ ب ئه‌ركێ خۆ دزانت، پشته‌ڤانییا په‌روه‌رده‌ و ڕه‌وشه‌نبیریا قۆتابى د ئالییێ دابینكرنا ژێده‌رێن كه‌لتۆرى و زانستیدا بكه‌ت. ئه‌ڤ چه‌نده‌ ژى ب ڕێكا بۆدجه‌یه‌كا تایبه‌ت ژبۆ زێده‌كرنا په‌رتووك و ژێده‌رێن دیتر د په‌رتووكخانێدا دهێته‌ ئه‌نجامدان، ئه‌ڤ خزمه‌تگۆزارییه‌ ژبۆ قۆتابى، مامۆستا، فه‌رمانبه‌ر و ڤه‌كۆله‌رێن زانكۆیێن دیتر یێن هه‌رێما كوردستانێ دهێته‌ پێشكێشكرن. زانكۆیا زاخۆ د پاشه‌رۆژه‌كا نێزیكدا پلانا دروستكرنا په‌رتووكخانه‌یه‌كا ئه‌لكترۆنى یا پێشكه‌ڤتى هه‌یه‌ و د ئه‌ڤى سیسته‌مێ ئه‌لكترۆنیدا قۆتابى و ڤه‌كۆله‌ر دكارن ب ئاسانى زانیاریان وه‌ربگرن .


خزمه‌تگۆزاریا ئه‌نترنێتێ

ئه‌ڤ خزمه‌تگۆزارییه‌ ل ته‌ڤایا كۆمه‌لگه‌ها زانكۆیێ هه‌یه‌ قۆتابى، مامۆستا و فه‌رمانبه‌ر دكارن بكاربهینن و مفایه‌كێ ئه‌رێنى ژێ وه‌ربگرن. هه‌ژى ئاماژه‌پێدانێیه‌، كو ئه‌نترنێتا زانكۆیا مه‌ ژ جورێ وایرلێسه‌.

هاریكاریێن دارایى

زانكۆیا زاخۆ ب ئاوایه‌كێ دادپه‌روه‌رانه‌ ده‌رفه‌تێ ب هه‌موو قۆتابیان دده‌ت، كو بێ به‌رامبه‌ر ل زانكۆیا ناڤبرى بخوینن. هه‌روه‌سا ژووران ل پشكێن ناڤخوه‌یى ژبۆ قۆتابیێن ژ ده‌رڤه‌یى باژێرێ زاخۆ دهێن ئاماده‌ دكه‌ت. زێده‌بارى ئه‌ڤێ چه‌ندێ زانكۆیا زاخۆ ڕادبیت ب دانا پاداشته‌ك هه‌یڤانه‌ و گۆنجایى ب قۆتابیان، داكو بكارن هنده‌ك ژ پێدڤیێن خۆ پێ دابین بكه‌ن.


كافیتیریا و خوارنگه‌ه

كارێ سه‌ره‌كى یێ كافیتیریایێ به‌رهه‌ڤكرنا خوارن و ڤه‌خوارنێ یه‌ ژبۆ قۆتابى، مامۆستا و فه‌رمانبه‌رێن زانكۆیێ. هه‌ژى ئاماژه‌پێدانێیه‌ ل هه‌مى ده‌مێن ده‌واما فه‌رمى خوارن و ڤه‌خوارن به‌رهه‌ڤن، ئه‌ڤ خوارن و ڤه‌خوارنه‌ ب هه‌مى جورێن خۆ ڤه‌ ب بوهایه‌كێ ئه‌رزان دهێنه‌ پێشكێشكرن.