<< All News

سەنتەرێ زاخۆ بۆ ڤەکۆلینێن کوردی ڕابوو ب ساخکرنا بیرەوەریا شەھیدێن پێشمەرگە

02 August 2018

ل ڕۆژا پێنجشەمبێ ڕێكەڤتی (۲/۸/۲٠۱۸) سەنتەرێ زاخۆ بۆ ڤەكۆلینێن كوردی سەر ب فەکۆلتیا زانستێن مروڤایەتی زانکۆیا زاخۆ ڤە ڕابوو ب (ساخكرنا بیرەوەریا شەهیدێن پێشمەرگە د شەڕێ ل دژی ڕێكخراوا تیرۆریستیا داعش) هەر ب ئه‌ڤێ هەلكەڤتی پەرتوكەك لسەر ژیانا نیزیكی (٥٠٠) شەهیدێن پارێزگەها دهوكێ هاتە چاپكرن. ئەڤ ڕێورەسمە لدەمژمێر (۱٠:۳٠) ێ سپێدێ دەستپێكر و ژ ئه‌ڤان بڕگەیان پێكهاتبوو:
۱. پەیڤا ڕاگرێ ف.ز. مرۆڤایەتی و سەرۆكێ زانكۆیا زاخۆ
۲. پەیڤا د. نیژیار نەعمان وەك بەرهەڤكارا پەرتوكا شەهیان
۳. دیبەیت، كو ژ ئه‌ڤان بەرێزان پێكهاتبوون: بریكارێ وەزارەتا پێشمەرگه‌ (سەربەست لەزگین) فەرماندێ پێشمەرگە ( سێن یەزدان پەناهـ) بریكارێ وەزارەتا شەهید و ئەنفالكریان (بەڕەڤان حەمدی) بۆ ماوێ دەمژمێرەكێ ڤەكێشا.
ھەژیە بێژین، د ڤان ڕێورەسمان دا سەنتەرێ زاخۆ بۆ ڤەکۆلینێن کوردی ڕابوو ب دانا دیاریێن ڕێزلێنانێ بۆ ماموستا و قوتابیێن ڕابووین ب ئامادەکرنا پەرتووکێ، ھەروەسا ڕێکخراوا (شەدا) ڕابوو ب پێشکێشکرنا دیاریەکا رِێزلێنانێ بۆ رِاگریا فەکۆلتیا زانستێن مروڤایەتی و د ئه‌ڤى ڕێورەسميدا خێزانێن شەهیدان، پێشمەرگە، نوینەرێ سەرۆك بارزانی، بەرپرسێن حزبی و حكومی، سەرۆكێن زانكۆ و هاریكار و ڕاگر و ماموستا و ... ئامادەبوون و پشتی دیبەیتێ ڕاستەوخۆ خێزانێن شەهیدان لگەل وان بەرپرسان كومبوون و ل دوماهیكێ ژی بۆ خوارنا فراڤینێ مێهڤانێن سەرۆكاتیا زانكۆیا زاخۆ بوون.
هەلبەت مەرەم ژ ئه‌ڤێ بیرەوەریێ ل هەڤ نێزیككرنا حكومەت و خێزانێن شەهیدان بوویە.
گەر ب خوینێ ئاڤ نەدەی تو ڤی وەلاتی
ئەڤ وەلاتە بێ ڕحە
گەر نەكەی قوربان ڕحێ تو بۆ وەلاتی
بێ بوهایە ئەو گیان
بێ بوهایە ئەو گیان