<< All News

هاریكارێ سه‌رۆكێ زانكۆیا زاخۆ باسێ ڕه‌وشا قوتابیێن ڕۆژئاڤایێ كوردستانێ دكه‌ت

09 August 2018

ل ڕۆژا چوارشه‌مبێ ڕێكه‌ڤتى (8/8/2018) لده‌مژمێر (10:00) سپێدێ، سه‌نته‌رێ ڕه‌وشه‌نبیرى و جڤاكى یێ زانكۆیا دهۆكێ ووركشۆپه‌ك تایبه‌ت لدوور (ڕه‌وشا قوتابیێن ڕۆژئاڤایێ كوردستانێ و ده‌رچوویێن وان ل پارێزگه‌ها دهۆكێ) سازكر.
ڕێزدار پرۆفیسۆر دكتۆر (عه‌بدولوه‌هاب خالد موسا) هاریكارێ سه‌رۆكێ زانكۆیا زاخۆ بۆ كاروبارێن قوتابییان ڤه‌خواندیێ فه‌رمیێ ووركشۆپێ ناڤهاتى بوو، به‌رێز د ووركشۆپیدا په‌نه‌له‌ك تایبه‌ت ده‌رباره‌ى قوتابیێن ڕۆژئاڤایێ كوردستانێ و ئاریشه‌یێن وه‌رگرتنا وان ل زانكۆیێن هه‌رێما كوردستانێ ب گشتى پێشكێشكر، پاشان ب ئاوایه‌كێ هویربین لسه‌ر ئاریشه‌ و ئاسته‌نگێن ل هه‌مبه‌ر قوتابییان ده‌ردكه‌ڤن ئاخڤت، هه‌روه‌سا د په‌نه‌لێ خۆ دا ئاماژه‌ ب چێكرنا ئاماره‌كا دروست بۆ قۆتابیێن ڕۆژئاڤایێ كوردستانێ ل زانكۆ و په‌یمانگه‌هێن هه‌رێمێ دا و ب فه‌ر زانى ئه‌ڤ كاره‌ بزویترین ده‌م بهێته‌ ئه‌نجامدان. لدوماهیێ فه‌ره‌ بێژین، ژبه‌ر گرنگییا بابه‌تێ ژ ئالیێ جه‌نابێ پرۆفیسۆرى ڤه‌ هاتییه‌ ئازراندن چه‌ندین كه‌نالێن ڕاگه‌هاندنێ دیدارێن تایبه‌ت دگه‌ل سازكرن.