<< All News

ئاگه‌هداریه‌ك ژ ڕێڤه‌به‌ریا پشكێن ناڤخۆیى

12 September 2018

ئاماژه‌ ب نڤیسارا سه‌رۆكایه‌تیا زانكۆیا زاخۆ/ ڕێڤه‌به‌ریا كاروبارێن زانستى و خواندنا بلند یا ژماره‌ (3/2232) ل ڕێكه‌ڤتى (5/9/2018)، رێڤه‌به‌ریا پشكێن ناڤخۆیى بۆ سالا خواندنێ (2018- 2019) ئاگه‌هداریا گشت قوتابیێن پشكێن ناڤخۆیى دكه‌ت یێن قۆناغێن (2ـ3ـ4) ل ڕۆژا ئێكشه‌مبێ ڕێكه‌ڤتى (16/9/2018) لده‌مژمێر (9:00) سپێدێ دێ ده‌ست ب پرۆسێسا دابه‌شكرنا پشكێن ناڤخۆیى هێته‌كرن و ئه‌ڤ به‌رنامه‌یه‌ دێ بۆ ماوه‌یێ حه‌فتیه‌كێ ڤه‌كێشیت، به‌رۆڤاژى ئه‌ڤێ چه‌ندێ قوتابى ماف نامینت جهـ بۆ بهێته‌ دابینكرن.
ا- ده‌رباره‌یى خواندنا سپێده‌هیان پێدڤییه‌ قوتابى ئه‌ڤان خالان لبه‌ر چاڤ وه‌ربگرن:
1-پێدڤییه‌ هه‌ر قوتابیه‌ك ئه‌ڤان به‌لگه‌یێن لخوارێ دیار دناڤ فایله‌كێدا پێشكێشى ڕێڤه‌به‌ریا پشكێن ناڤخۆیى بكه‌ت:
2-پشتگیریێ ژ تۆمارا فه‌كۆلتیێ یان كۆلیژا خۆ بینت.
3-دانه‌یه‌كا كوپیكرى ژ ناسنامه‌یا قوتابى یا زانكۆیێ (باج).
4-دانه‌یه‌ك كوپیكرى ژ ناسنامه‌یا قوتابى یا ڕێڤه‌به‌ریا پشكێن ناڤخۆیى.
5-دانه‌یه‌كا كوپیكرى ژ ناسنامه‌یا بارێ شارستانى.
6-دوو وێنه‌یێن ڕه‌نگا و ڕه‌نگ.
7-كارتا زانیارى، ئه‌گه‌ر نه‌بیت په‌سه‌نده‌كى ژ ده‌ف به‌ربژارێ گه‌ره‌كێ بینت.
8-كوژمێ (25) بیست و پێنچ هزار دینار دێ ژ قوتابى هێنه‌ وه‌رگرتن وه‌كو ته‌ئمینات و لدوماهیكا سالێ دێ هێنه‌ زڤراندن، ئه‌گه‌ر چ زیان نه‌گه‌هاندبنه‌ پشكێن ناڤخۆیى.
9-پێدڤییه‌ هه‌ر سێ قوتابى پێكڤه‌ داخوازا ژوره‌كێ بكه‌ن بۆ هندێ بۆ وان بهێته‌دان.
10-نابیت ب هیچ ڕه‌نگه‌كى قوتابى ژوورێ ل پشكێن ناڤخۆیى وه‌ربگریت و د هه‌مان ده‌مدا هاتن و چوونێ بكه‌ت، به‌روڤاژى دێ پێرابوون دگه‌لدا هێنه‌كرن.
ب‌-ده‌ره‌باره‌یى قوتابیێن خواندنا ئێڤاران، هه‌مان ڕێنما ژ وان ژى دگرن، زیده‌بارى هندێ پێدڤییه‌ هه‌ر ئێك پسوله‌یه‌ك ب كوژمێ (300،000) سێ سه‌د هزار دیناران ژ ڕێڤه‌به‌ریا ژمێریارى/ سه‌رۆكاتیا زانكۆیێ بینت.